ສມກຈ – ສະມາຄົມການເງິນຈຸລະພາກ

LMFA – Lao Microfinance Association

ພິທີມອບ-ຮັບ ໃບອະນຸຍາດດຳເນີນທຸລະກິດສະຫະກອນສິນເຊື່ອ ແລະ ເງິນຟາກປະຢັດ ເມືອງນາກາຍ.

ພິທີມອບ-ຮັບ ໃບອະນຸຍາດດຳເນີນທຸລະກິດສະຫະກອນສິນເຊື່ອ ແລະ ເງິນຟາກປະຢັດ ເມືອງນາກາຍ.

ທີ່ຫ້ອງປະຊຸມໃຫ່ຍຂອງຫ້ອງວ່າການເມືອງນາກາຍໄດ້ຈັດພິທີມອບ-ຮັບໃບອະນຸຍາດ #ດຳເນີນທຸລະກິດສະຫະກອນສິນເຊື່ອ ແລະ ເງິນຟາກປະຢັດ ເມືອງນາກາຍ ( ສສງ ນາກາຍ) ໃນຕອນເຊົ້າຂອງວັນທີ 6 ພະຈິກ 2020 ນີ້ໂດຍພາຍໃຕ້ການເປັນປະທານຮ່ວມຂອງ ທ່ານ ນ. ບົວກາ ແກ້ວມະນີ ເຈົ້າເມືອງໆນາກາຍ, ທ່ານ ສຸສິສັກ ຮົ່ມໂພທິຈັກ ຮອງຫົວໜ້າທະນາຄານແຫ່ງ ສປປ ລາວພາກກາງແຂວງສະຫວັນນະເຂດ ເຂົ້າຮ່ວມໂດຍ ທ່ານ ແສງແກ້ວ ພະຄຸນທອງ ຮອງເຈົ້າເມືອງໆນາກາຍ, ມີຄະນະປະຈຳພັກເມືອງ, ກຳມະການພັກເມືອງ ຄະນະຫ້ອງການ,ປະທານສະ ພາສະຫະກອນສິນເຊື່ອ ແລະ ເງິນຟາກປະຢັດນາກາຍ, ອົງການພັດທະນາແບບກຸ້ມຕົນເອງປະເທດລຸກຊຳບວກ (ADA),ຕາງໜ້າທະນາຄານພັດທະນາລາວ, 24 ກຸ່ມບ້ານ, ຕະຫຼອດເຖິງພະນັກງານວິຊາການເຂົ້າຮ່ວມ.
ໃນວາລະພິທີ ທ່ານ ນ. ບົວກາ ແກ້ວມະນີ ຂື້ນກ່າວເປີດພິທີຂື້ນຢ່າງເປັນທາງການ ພ້ອມກັນນັ້ນ ທ່ານ ປຸລິມະ ທອນທົງເດດ ຮອງຫົວໜ້າພະແນກຄຸ້ມຄອງສະຖາບັນການເງິນ ໄດ້ຂື້ນຜ່ານໃບອະນຸຍາດດຳເນີນທຸລະກິດສະຫະກອນສິນເຊື່ອ ແລະ ເງິນຟາກປະຢັດນາກາຍ, ອີງຕາມ ຂໍ້ຕົກລົງວ່າດ້ວຍການຕິດຕັ້ງ ແລະ ການເຄື່ອນໄຫວສາຂາທະນາຄານແຫ່ງ ສປປ ລາວພາກກາງ ແຂວງສະຫວັນນະເຂດ ສະບັບເລກທີ 445/ທຫລ, ລົງວັນທີ 20 ມີຖຸນາ 2010, ອີງຕາມຂໍ້ກຳນົດ ວ່າດ້ວຍສະຫະກອນສິນເຊື່ອ ແລະ ເງິນຟາກປະຢັດ ເລກທີ 03/ຫທລ ລົງວັນທີ 20 ມີຖຸນາ 2008, ອີງຕາມຄຳຮ້ອງຂໍສ້າງຕັ້ງສະຫະກອນສິນເຊື່ອ ແລະ ເງິນຟາກປະຢັດຂາເຂົ້າເລກທີ 245/ ລົງວັນທີ 03 ເມສາ 2020,ອີງຕາມທິດຊີ້ນຳເຫັນດີຜູ້ວ່າການທະນາຄານແຫ່ງ ສປປ ລາວຄັ້ງວັນທີ 24 ສິງຫາ 2020, ອີງຕາມ ໜັງສືແຈ້ງຕອບ ກົມຄຸ້ມຄອງສະຖາບັນການເງິນ ສະບັບເລກທີ 57/ກຄສງ, ລົງວັນທີ 28 ສິງຫາ 2020.
ຕອນທ້າຍຂອງພິທີຍັງໄດ້ຮັບຟັງການໂອນລົມຂອງທ່ານ ສຸລິສັກ ຮົ່ມໂພທິຈັກ ເຊິງທ່ານໄດ້ເນັ້ນຈຸດປະສົງ ກໍ່ເພື່ອມອບ-ຮັບໃບອະນຸຍາດດຳເນີນທຸລະກິດຂອງ ສະຫະກອນສິນເຊື່ອ ແລະ ເງິນຟາກປະຢັດນາກາຍພ້ອມທັງເປັນການເປີດຕົວຢ່າງເປັນທາງການໃຫ້ແກ່ປະຊາຊົນພາຍໃນເມືອງ ແລະ ອ້ອມຂ້າງໄດ້ຮັບຮູ້ຢ່າງກວ້າງຂວາງຂື້ນ ໃນນັ້ນຍັງໄດ້ເປີດປ້າຍເພື່ອນຳໃຊ້ໃຫ້ກຽດຕັດລິບບິ່ງໂດຍ ທ່ານ ນ.ບົວກາ ແກ້ວມະນີ ແລະ ທ່ານ ສຸລິສັກ ຮົ່ມໂພທິຈັກ.
https://khammouanenews.com/ #ແຂວງຄໍາມ່ວນ