ສມກຈ – ສະມາຄົມການເງິນຈຸລະພາກ

LMFA – Lao Microfinance Association

ກອງປະຊູມຝືກອົມຮົມກະກຽມເປີດກອງທຶນ ສິນເຊື້ອບ້ານ ແລະ ສ້າງຄວາມເຂັ້ມແຂງ

ເພື່ອເຮັດໃຫ້ການບໍລິຫານ, ການຄຸ້ມຄອງ ວຽກງານກອງທຶນສິນເຊື່ອບ້ານໃນ 27 ບ້ານເປົ້າໝາຍຂອງເມືອງຄຳເກີດ ໃຫ້ມີຄວາມຢືນຍົງ ແລະ ເພື່ອແກ້ໄຂ ຊີວິດການເປັນຢູ່ຂອງພໍ່ແມ່ປະຊາຊົນພາຍໃນບ້ານໃຫ້ດີຂື້ນ ແລະ ລຸດຜ່ອນອອກຈາກຄວາມທຸກຍາກເທື່ອລະກ້າວ. ມາໃນວັນທີ 20 ຕຸລາ 2020 ນີ້ຢູ່ທີ່ສູນວັດທະນະທຳເດັກເມືອງຄຳເກີດໄດ້ຈັດເປີດກອງປະຊູມຝືກອົມຮົມກະກຽມເປີດກອງທຶນ ສິນເຊື້ອບ້ານ ແລະ ສ້າງຄວາມເຂັ້ມແຂງ ໃຫ້ແກ່ຄະນະກອງທືນສິນເຊື່ອບ້ານເປົ້າໝາຍຂອງແຜນງານລາວ/030 ເປັນກຽດເປັນປະທານໂດຍ ທ່ານ ນາງ ສຸກຜາລີ ແສງສົມພູ ກຳມະການພັກເມືອງ ປະທານບໍລິຫານສະຫະພັນແມ່ຍິງເມືອງຄຳເກີດ, ມີບັນດາຄະນະບໍລິຫານສະຫະພັນແມ່ຍິງແຂວງ, ເມືອງ, ຄູຝືກມາຈາກ ສະມາຄົມການເງີນຈຸລະພາກ ພ້ອມດ້ວຍຄະນະ ແລະ ມີນັກສຳມະນາກອນມາຈາກເລຂາພັກບ້ານ, ຄະນະກອງທຶນເຊື່ອບ້ານເປົ້າໝາຍແຜນງານລາວ/030 ເຂົ້າຮ່ວມ. ໃນພິທີທ່ານນາງ ສຸກຜາລີ ແສງສົມພູ ກຳມະການພັກເມືອງ ປະທານບໍລິຫານສະຫະພັນແມ່ຍິງເມືອງຄຳເກີດ ໄດ້ຂື້ນກ່າວເປີດກອງປະຊູມຝືກອົມຮົມສ້າງຄວາມເຂັ້ມແຂງ ໃຫ້ແກ່ຄະນະກອງທືນສິນເຊື່ອບ້ານເປົ້າໝາຍຂອງແຜນງານລາວ/030 ທ່ານໄດ້ຮຽກຮ້ອງໃຫ້ບັນດາເລຂາພັກບ້ານ, ອົງການປົກຄອງບ້ານ, ຄະນະກອງທຶນບ້ານສິນເຊື້ອບ້ານ ຈົ່ງພ້ອມໃຈກັນ ເພີ່ມທະວີເສີມຂະຫຍາຍສະຕິປັນຍາ ແລະ ຕັ້ງໃຈຟັງ, ຖອດຖອນເອົາບົດຮຽນ, ວິທີການ, ການຈັດຕັ້ງປະຕິບັດວຽກງານດັ່ງກ່າວ ໃຫ້ເລີກເຊິ່ງ ເພື່ອແນ່ໃສ່ນຳໄປຈັດຕັ້ງປະຕິບັດໃຫ້ໄດ້ບັນລຸຜົນສຳເລັດຕາມລະດັບຄາດໝາຍທີ່ໄດ້ກຳນົດໄວ້. ທ່ານຍັງໃຫ້ຮູ້ຕື່ມອີກວ່າ: ແຜນງານລາວສູນ/030 ແມ່ນໄດ້ສືບຕໍ່ຈາກໂຄງການ 021 ໃນເມືອງກ່ອນ ແລະ ໂຄງການດັ່ງກ່າວໄດ້ເຂົ້າຢູ່ໃນ 4 ແຂວງ, ໃນນັ້ນແຂວງບໍລິຄຳໄຊເຮົາກໍ່ເປັນແຂວງໜຶ່ງທີ່ໄດ້ຮັບທຶນຊ່ວຍເຫຼື່ອຈາກໂຄງການອາດາ ແລະ ເຂົ້າຢູ່ 3 ເມືອງຄື: ເມືອງຄຳເກີດ, ເມືອງວຽງທອງ ແລະ ເມືອງບໍລິຄັນ ໃນນັ້ນເມືອງຄຳເກີດມີ 27 ບ້ານເປົ້າໝາຍ. ການຈັດຝືກອົບຮົມດັ່ງກ່າວແມ່ນໄດ້ຈັດແບ່ງອອກເປັນ 4 ຊຸດໃນການຝືກອົບຮົມ. ພິທີຝືກອົບຮົມຊຸດທີ 1 ນີ້ຈະໄດ້ດຳເນີນໄປເປັນເວລາ 3 ວັນ ( 20 /10/ 2020 ຫາ 23/10/2020) ຈື່ງສຳເລັດລົງ.