ຜົນປະໂຫຍດຂອງການເຂົ້າເປັນ ສະມາຊິກ ສມກຈ

ການເຂົ້າເປັນສະມາຊິກຂອງ ສະມາຄົມການເງິນຈຸລະພາກ ສະມາຊິກທຸກທ່ານ ມີສິດຈະ ໄດ້ຮັບ:

1) ດ້ານການສ້າງຂີດຄວາມສາມາດ:

• ໄດ້ຮັບສິດທິພິເສດໃນການຝຶກອົບຮົມຕາມຄວາມຕ້ອງການຂອງສະມາຊິກ ແລະ ຕາມຂະແໜງການຕ້ອງການ;
• ໄດ້ເຂົ້າຮ່ວມກອງປະຊຸມສະໂມສອນອຳນວຍການ (CEO Club) ເຊິ່ງຈັດ 2 ຄັ້ງຕໍ່ປີ;
• ສາມາດເຂົ້າຮ່ວມການໄປທັດສະນະສຶກສາ ພາຍໃນ- ຢ້ຽມຢາມສະມາຊິກທີ່ເຂັ້ມແຂງ ແລະ ຕ່າງປະເທດ ເພື່ອຖອດຖອນ ບົດຮຽນໃນຫົວຂໍ້ຕ້າງໆ;
• ໄດ້ຮັບສ່ວນຫລຸດໃນການເຂົ້າຮ່ວມຝຶກອົບຮົມ ຕາມຂໍ້ສະເໜີ ສມກຈ ແລະ ຄວາມເປັນຈິງ;
• ໄດ້ສິດໃນການສະໝັກເຂົ້າ ຝຶກອົບຮົມເປັນຄູຝຶກ (ToT) ເພື່ອຝຶກໃຫ້ ນັກສຳມະນາກອນ ຂອງ MFMCC ທີ່ຈະເປີດ ໃນທ້າຍປີ 2014;
• ໄດ້ສິດຫຼາຍກວ່າຜູ້ອື່ນໃນການເຂົ້າຮ່ວມຝຶກອົບຮົມຫລັກສູດການຝຶກອົບຮົມການບໍລິຫານການເງິນຈຸລະພາກ (MFMCC) ທີ່ເປີດໃນຕົ້ນປີ 2015;
• ສມກຈ ອຳນວຍຄວາມສະດວກໃນການແນະນຳຜະລິດຕະພັນປະກັນໄພຈຸລະພາກ (ການປະກັນໄພສິນເຊື່ອ) ໃນສປປລາວ;
• ສາມາດສະເໜີໃຫ້ ສມກຈ ຈັດການດຳເນີນການກວດສອບທາງດ້ານສັງຄົມໂດຍນຳໃຊ້ເຄື່ອງມື CERISE SPI ໃຫ້ແກ່ ສະຖາບັນ;
• ສມກຈ ແນະນຳຫຼັກການປົກປ້ອງລູກຄ້າ ຂອງ SMART CAMPAIGN ສຳລັບ ສະມາຊິກ ສກຈ ແລະ ສະໜັບສະໜູນ ເລື່ອງການຮັບຮອງ ແລະ ການທົດລອງປະເມີນດ້ວຍຕົວເອງ;
• ມີສິດ ເຂົ້າຮ່ວມງານວາງສະແດງ ການຫາຜູ້ຮ່ວມງານ ໃນນະຄອນຫຼວງ ແລະ ຕ່າງແຂວງ ທີ່ມີສະຖາບັນສະມາຊິກຕັ້ງຢູ່ ແລະ ງານສະແດງອື່ນໆ ເພື່ອສົ່ງເສີມຂະແໜງການ;
• ເຂົ້າຮ່ວມການ ປະຖົມນິເທດກ່ຽວກັບ ການເຮັດທຸລະກິດ ການເງິນຈຸລະພາກ ຈາກ ທຫລ ແລະ ສມກຈ;
• ຊ່ວຍສະມາຊິກ ທີ່ຍັງອ່ອນນ້ອຍ ໂດຍການລົງໄປຢ້ຽມຢາມ ແລະ Coach ໃຫ້ ຕາມທີ່ສະມາຊິກຕ້ອງການວຽກງານນີ້ ແມ່ນ ຮ່ວມມືກັບ ທຫລ;

2) ດ້ານການພັດທະນາຄວາມຮູ້/ການຄົ້ນຄວ້າວິໄຈ & ການເປັນຕົວແທນ:

• ສາມາດ ລົງໂຄສະນາ ຕ່າງໆ ໃນເວັບໄຊທ໌ ຂອງ ສມກຈ ທັງເປັນ ພາສາອັງກິດ ແລະ ພາສາລາວ ແລະ ສາມາດໄດ້ຮັບຂໍ້ມູນໃໝ່ໆ ເຊິ່ງປະກອບດ້ວຍຂໍ້ມູນຂ່າວສານທີ່ສົມບູນແບບກ່ຽວກັບກິດຈະກຳການເງິນຈຸລະພາກໃນ ສ.ປ.ປ ລາວ ເຊັ່ນດຽວກັນກັບກິດຈະກຳຂອງສະມາຄົມ;
• ສາມາດໂຄສະນາ ຜ່ານ ເຟສບຸກ ຂອງ ສມກຈ, ແລະ ເອົາເອກະສານ ລົງແລກປ່ຽນໃນ ສມກຈ Dropbox;
• ສາມາດເຂົ້າຮ່ວມປະກອບສ່ວນສ້າງຈົດໝາຍຂ່າວຂອງ ສມກຈ ເຊິ່ງຈັດພິມ ແຈກຢາຍ 2 ຄັ້ງຕໍ່ປີ – ເປັນພາສາລາວ ແລະ ອັງກິດ;
• ໄດ້ຮັບການລາຍງານ ປະຈຳປີ ແລະ ລາຍງານກວດສອບພາຍນອກ;
• ສາມາດສ້າງອຸປະກອນປະຊາສຳພັນ ຮ່ວມກັບ ສມກຈ ເຊັ່ນ ປະຕິທິນປະຈຳປີ, ແຜ່ນພັບ, ເສື້ອທີເຊີດ, ໝວກ, ຖົງ, ບິກ ແລະ ອື່ນໆ;
• ໄດ້ຮັບລາຍຊື່ໃໝ່ໆ ຂອງສະຖາບັນຕ່າງໆ ເພື່ອແລກປ່ຽນ ແລະ ລາຍຊື່ ຜູ້ລົງທຶນ;
• ສາມາດເຂົ້າມາ ອ່ານຂໍ້ມູນໃນຫ້ອງສະໝຸດທີ່ບັນຊີລາຍການ ແລະ ລະຫັດຂອງເອກະສານການພິມເຜີຍແຜ່;
• ການແປພາສາຂອງເອກະສານທີ່ກ່ຽວຂ້ອງ ແລະ ການສຶກສາ ເປັນພາສາລາວ ແລະ ກົງກັນຂ້າມ;
• ມີລະບົບຕິດຕາມການກວດກາການປະຕິບັດງານ-ການເກັບກຳຂໍ້ມູນ ແລະ ວິເຄາະ ແລະ ແຈກຢາຍຂໍ້ມູນການປະຕິບັດທາງດ້ານການເງິນຈາກສະມາຊິກ ສມກຈ.
• ມີສິດເຂົ້າຮ່ວມກອງປະຊຸມປະຈຳໄຕມາດ ວິຊາການ ຂອງສະມາຊິກ(ໃນອານາຄົດເຊື້ອເຊີນຜູ້ໃຫ້ທຶນ/ນັກລົງທຶນ ໃຫ້ເຂົ້າຮ່ວມນຳສະເໜີຜະລິດຕະພັນຂອງເຂົ້າເຈົ້າ/ຕະຫຼາດນັດຂອງນັກລົງທຶນ);
• ສມກຈ ເປັນຂົວຕໍ່ ລະຫວ່າງ ຜູ້ໃຫ້ທຶນ, ນັກລົງທຶນ, ບຸກຄົນທົ່ວໄປທີ່ສົນໃຈ ໃຫ້ຮູ້ຈັກກັບບັນດາສະມາຊິກ;

3) ດ້ານການເປັນຕົວແທນສ້າງສະພາບແວດລ້ອມທີ່ເອື້ອອຳນວຍ

• ສມກຈ ເຂົ້າຮ່ວມການປະຊຸມ ປະສານງານ ປະຈຳໄຕມາດ ລະຫວ່າງ ກົມຄຸ້ມຄອງສະຖາບັນການເງິນ, ທະນາຄານແຫ່ງສປປລາວ ເພື່ອຮ່ວມມືໃນການພັດທະນາຂະແໜງການ;
• ປະສານງານ ກັບ ທຫລ ເພື່ອ ປະກອບຄຳຄິດເຫັນຈາກສະມາຊິກເຂົ້າໃນລະບຽບ, ຂໍ້ກຳນົດ ແລະ ເອກະສານຕ່າງທີ່ອອກໂດຍ ທະນາຄານແຫ່ງສປປລາວ (ທຫລ) ຫຼື ອົງກອນລັດອື່ນໆ ຕາມການສະເໜີຂອງສະມາຊິກສມກຈ;
• ສມກຈສ້າງລະບຽບການປະພຶດຕົນໃຫ້ແກ່ສະມາຊິ ສມກຈ;
• ມີສາຍສຳພັນກັບເຄື່ອຂ່າຍອື່ນໆ ເພື່ອເປັນການແລກປ່ຽນ ປະສົບການ;

4) ດ້ານການບໍລິການດ້ານອື່ນໆ:

• ຊ່ວຍຂຽນການຄຸ້ມຄອງ ບຸກຄະລາກອນ ແລະ ບໍລິຫານ / ການຄຸ້ມຄອງ (ເຊິ່ງສະມາຊິກຈະໄດ້ປະກອບສ່ວນໜຶ່ງ);
• ຊ່ວຍຂຽນຄູ່ມືອື່ນໆ (ຕົວຢ່າງ: ຄູ່ມື ກວດສອບພາຍໃນ, ຄູ່ມືການເງິນ ການບັນຊີ, ການບໍລິຫານສິນເຊື່ອ etc…);
• ແນະນຳເລື່ອງ ຕ່າງທາງໂທລະສັບ ຫຼື ອື່ນໆ;