ສະຖິຕິກ່ຽວກັບການເງິນຈຸນລະພາກ

ຂໍ້ມູນການດໍາເນີນງານຂອງ ສະຖາບັນການເງິນຈູລະພາກ (ວັນທີ 31 ເດືອນທັນວາ 2011), MFA, ເດືອນມິຖຸນາ 2012 [Download pdf]
ໃນຕົ້ນປີ 2012 ນີ້,MFA ໄດ້ຮີບໂຮມ ແລະ ເກັບກໍາຂໍ້ມູນການປະຕິບັດ ງານຈາກ 17ສະຖາບັນການເງິນ ຈຸລະພາກເຊິງໄດ້ເຜີຍແຜ່ອອກໃຫ້ທົ່ວ ໄປຮັບຮູ້ເພື່ອຈຸດປະສົງການພັດ ທະນາໃຫ້ມີຄວາມໂປ່ງໃສຫລາຍ ຂື້ນ.ຂໍ້ມູນແມ່ນ ຂໍ້ມູນລ້າສຸດ ທີ່ກ່ຽວກັບການເຂົ້າເຖິງຜະລິດຕະພັນ, ການດໍາເນີນງານດ້ານການເງິນ, ແລະ ປະສິດທິ ພາບຄັງເງິນກູ້ (ຂໍ້ມູນລ້າສຸດ,ໃນວັນທີ 31 ເດືອນ ທັນວາ 2011). ຂໍ້ມູນໄດ້ຖືກຮີບ ຮົມ ແລະ ສະຫລຸບເຂົ້ານໍາກັນຕາມເອກະສານທີ່ຄັດຕິດມານີ້ .
ຂໍ້ມູນຕົວຊີ້ວັດການດໍາເນີນງານຂອງ ສະຖາບັນການເງິນຈຸລະພາກ ຢູ່ ສປປ ລາວ (ວັນທີ 31 ເດືອນທັນວາ 2011), MFA ເດືອນມິຖຸນາ 2012
ອີງຕາມການສົ່ງຂໍ້ມູນການດໍາເນີນວຽກງານຂອງ 17 ສະຖາບັນການເງິນຈຸລະພາກ ໃນຕົ້ນປີ 2012 ນີ້ (ກະລຸນາເບິ່ງຂ້າງເທິ່ງ), MFA ໄດ້ເຫັນດີອອກແບບ ບົດສະຫລຸບຕົວຊີ້ວັດໃຫ້ເປັນພາບສະຫລຸບໂດຍຫຍໍ້ ຂອງບັນດາສະຖາບັນການເງິນຈຸລະພາກ ຢູ່ປະເທດລາວ ທີ່ເປັນກຸ່ມດຽວກັນ ໃນການສົມທຽບ ກັບບັນດາ ສະຖາບັນ ການເງິນຈຸລະພາກອື່ນໆທີ່ເປັນກຸ່ມດຽວກັນ ທີ່ຢູ່ໃນບັນດາປະເທດເພື່ອນບ້ານ (ເຊັ່ນ ຫວຽດນາມ ແລະ ກໍາປູເຈ້ຍ) ແລະ ຟີລິບປີນສ, ກັບກຸ່ມໃຫຍ່ອີກກຸ່ມທີ່ມີ 37 ສະຖາບັນການເງິນຈຸ ລະພາກ “ອາຊີຕາເວັນອອກ ຂົງເຂດແປຊີຟິກ”.
ການເງິນຈຸນລະພາກຢູ່ ສປປ ລາວ 2009,NERI & GIZ (2011) [Download pdf]
ນັບແຕ່ປີ 2003 ເຖິງ 2006 ສະຖາບັນຄົ້ນຄ້ວາ ເສດຖະກິດແຫ່ງຊາດ (the National Economic Research Institute (NERI) ປະຈໍາ ກະຊວງແຜນການ ແລະ ການລົງທຶນ (MPI) ໄດ້ຈັດຕັ້ງປະຕິ ບັດການສໍາຫລວດ ກ່ຽວກັບການເງິນຈຸນລະພາກ ຢູ່ຂົງເຂດຊົນນະບົດໃນໄລຍະ 4ປີ ພາຍໃຕ້ໂຄງການ ການສ້າງຄວາມອາດສາມາດ ແລະ ສຶກສາຄົ້ນຄ້ວາທາງດ້ານການເງິນຈຸນລະພາກ (Microfinance Capacity Building and Research Project (MCBR), ໂດຍການສະໜັບສະໜູນ ຈາກ ອົງການ Concern Worldwide. ເນື່ອງຈາກ ຂາດທຶນ ຊ່ວຍເຫລືອຈຶ່ງບໍ່ສາມາດ ສືບຕໍ່ການສໍາຫລວດໃນປີ 2007 ແລະ 2008. ການສໍາຫລວດຄັ້ງຫລ້າສຸດ ໃນປີ 2009 ໄດ້ຮັບການສະໜັບສະໜູນ ຈາກອົງ ການ GIZ ໂດຍຜ່ານ ທະນາຄານແຫ່ງ ສປປ ລາວ ແລະ ກະຊວງແຜນການ ແລະ ການລົງທຶນ ເຊິ່ງວ່າບົດລາຍ ໄດ້ໃຫ້ຂໍ້ມູນ ທີ່ເປັນພື້ນຖານ ລະດັບຕົ້ນກ່ຽວກັບການຕອບສະໜອງ ຂອງ ການເງິນຈຸນລະພາກ ຢູ່ ປະເທດ ລາວ ຮ່ວມທັງຂົງເຂດການເງິນຈຸນລະພາກ ທີ່ເປັນທາງການ ແລະ ເຄິ່ງທາງການ.